Pothuajse një në 5 gra përjeton depresion ose ankth gjatë shtatzënisë ose, në vitin pas lindjes dhe rreth 20% e tyre përjetojnë mendime për vetëvrasje ose vetëdëmtime. Shëndeti mendor i grave ndikon edhe në zhvillimin fizik dhe emocional të fëmijëve përveç se ndikon në mirëqenien e përgjithshme.
Këto janë të dhënat e raportuara nga Organizata Botërore e Shëndetësisë, e cila ka lëshuar udhëzime të reja për integrimin e shëndetit mendor perinatal në shërbimet shëndetësore të nënës dhe fëmijës.
Dokumenti do të jetë i dobishëm për të njohur simptomat e shqetësimit sa më shpejt të jetë e mundur dhe për të dhënë përgjigje të përshtatshme. Për të vënë në praktikë rekomandimet e Organizatës Botërore të Shëndetësisë, kërkohet prania e stafit të trajnuar në mënyrë adekuate dhe kërkohet një vlerësim i nevojave për të identifikuar një paketë të mundshme ndërhyrjesh që plotësojnë nevojat e grave gjatë periudhës perinatale, si dhe trajnimi adekuat dhe mbikëqyrjen e fuqisë punëtore për të ofruar shërbime.
Shërbimet e kujdesit perinatal të maternitetit, përfaqësojnë një mundësi unike për të mbështetur gratë në një mjedis respektues dhe pa stigma, duke çuar në një pjesëmarrje dhe përfshirje më të madhe në kujdesin e grave dhe fëmijëve të tyre dhe një mirëqenie më të madhe të shoqërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
