Stuhitë e forta dhe rrebeshi i madhë që goditën Italinë për të tretën ditë i kanë marrë jetën të paktën 11 personave, ndërsa 4 të tjerë janë të plagosur rëndë dhe 1 rezulton ende i humbur.
Reshjet e shumta të shitur kanë përmbytur Bazilikën e Shën Marcos në Venecia duke i shkaktuar dëme të mëdha. Uji ka mbuluar një nga mozaikët më të bukur të bazilikës duke përfshirë kolonat monumentale prej mermeri e cila ka 90 cm uji.
"Brenda një dite bazilika është vjetruar si në 20 vite", shprehen ekspertët. "Është hera e pestë në historinë e saj që ajo përmbytet në dëme të tilla."
Mediat italiane thanë se ishte hera e dytë në këtë shekull që bazilika ishte përmbytur dhe vetëm për të pestën herë kishte parë ujë kaq të lartë brenda katedrales në historinë e saj 1000-vjeçare.
Dëmi i përhapur u raportua edhe në qytetet e veriut, jugut dhe qendrës së Italisë. Shumë prej 11 personave që kanë humbur jetën është shkaktuar nga rëzimi i pemëve pasi erërat ishin aq të forta duek arritur deri në 150 km / h.
Një nga rajonet më të goditura ishte Liguria, në veriperëndim.
Moti i keq që ka përfshirë gjithë territorin italian dhe ka shkaktuar shëmbjen e digës së portit turistik Carlo Riva në komunën Rapallo në provincën e Xhenovas.
Një skenar apokaliptik është verifikuar pas shembjes së digës, e cila ka çuar në shkatërrimin e dhjetra jahteve luksoze, barkave me vela e skafeve të ankoruara në port e përgjatë bregdetit.
Mjetet lundruese të shkatërruara i përkasin sipërmarrësve të njohur italianë e të huaj, e një prej tyre është super jahti i familjes së ish-kryeministrit Silvio Berlusconi.
Preokupim të madh shfaqin fryrjet e lumenjve në të gjithë rajonet italiane e situatat shfaqen mjaft e përkeqësuar në Liguria.
Mbi 20 mijë banorë kanë mbetur pa energji elektrike në këtë rajon e disa komuna kanë mbetur të izoluara për shkak të rrëzimit të pemëve e bllokimit të rrugëve nga reshjet.
Moti pritet të përmirësohet vonë të martën ndërsa të mërkurën pritet ti jap vendit një "armëpushim", tha një drejtues i agjencisë për mbrojtje civile për Reuters.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
