Sllovakia propozon që samiti në Sofje të mbahet pa flamuj dhe simbole kombëtare, për shkak të pjesëmarrjes së shtetit të Kosovës, të cilin nuk e ka njohur Bratislava zyrtare.
Sekretari shtetëror i Ministrisë së Punëve të Jashtme dhe Çështjeve Evropiane të Republikës Sllovake, Ivan Korçok, thotë se Sofia e ka përcaktuar qartë qëndrimin ndaj Kosovës.
"Kemi vepruar në këtë mënyrë disa herë në të kaluarën dhe kemi aplikuar edhe gjatë Presidencës sonë të Këshillit të BE", tha ai.
"Pozicioni i Sllovakisë ndaj ‘shpalljes së njëanshme të pavarësisë së Kosovës‘ nuk ndryshon, dhe kemi përmendur këtë disa herë, përfshirë këtu edhe vizitën time të fundit në Beograd”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
