Një aksident i rëndë ka ndodhur pasditen e së martës në aksin rrugor Librazhd- Qafë Thanë, pranë fshatit Urakë. Sipas informacioneve paraprake, mësohet se ngjarja është me pasojë vdekjen e një personi.
Një mjet tip trajler është përplasur me një makinë, ku po udhëtonin dy shtetas gjermanë. Nga aksidenti ka mbetur e vdekur gruaja, ndërsa është plagosur burri.
Policia ka mbërritur në vendin e ngjarjes për sqarimin e rrethanave të aksidentit të rëndë.
Njoftimi i policisë:
Rreth orës 17:30, në aksin rrugor “Qafë Thanë-Prrenjas”, kamioni që drejtohej nga shtetasi serb S. M., 50 vjeç, është përplasur me automjetin që drejtohej nga shtetasja gjermane U. S., 56 vjeçe.
Si pasojë e përplasjes, ka humbur jetën në vendngjarje, shtetasja U. S. Gjithashtu, është dëmtuar dhe ndodhet në kujdesin e mjekëve, shtetasi P. K., 50 vjeç, (pasagjer në automjetin me drejtuese shtetasen U. S.)
Shërbimet e Policisë Rrugore të DVP Elbasan kanë shoqëruar në Komisariatin e Policisë, për veprime të mëtejshme procedurale, drejtuesin e kamionit, shtetasin S. M.
Grupi hetimor, në bashkëpunim me Prokurorinë, po vijon veprimet në vendngjarje, me qëllim zbardhjen e rrethanave dhe shkakut të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
