Komisioni i Pavarur i Kualifikimit ka konfirmuar në detyrë Flora Hajredinaj, gjyqtare e Gjykatës kundër Korrupsionit dhe Krimit të Organizuar.
Në seancën e zhvilluar sot, trupa e KPK-së e përbërë nga treshja Brunilda Bekteshi, Firdes Shuli, Olsi Komici, deklaroi se Hajredinaj kaloi me sukses procesin e Vetingut, duke dalë e pastër në tre shtyllat e vlerësimit, atë të pasurisë, pastërtisë së figurës dhe integritetit profesional.
Gjyqtarja Flora Hajredinaj e Gjykatës së Posaçme kundër Korrupsionit dhe Krimit të Organizuar u përball të mërkurën më 7 tetor në Komisionin e Pavarur të Kualifikimit me gjetjet e të tre kritereve të rivlerësimit. Gjatë seancës dëgjimore, ILDKPKI deklaroi se i ka konsideruar të sakta deklarimet e Hajredinajt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
