Përqafimi i ndarjes me të dashurit tuaj mund t’ju shkaktojë telashe në një aeroport të Zelandës së Re, nëse ai zgjat shumë.
Aeroporti ndërkombëtar në qytetin e Dunedin, ka vendosur një kufi prej tre minutash për përqafimet, si pjesë e një përpjekjeje më të gjerë për të përmirësuar sigurinë dhe për të reduktuar mbipopullimin.
Një tabelë e ngritur në zonën e aeroportit paralajmëron: “Koha maksimale e përqafimit është 3 minuta. Për takimin e ndarjes, ju lutemi përdorni parkingun e makinave.”
Shefi ekzekutiv i aeroportit Dunedin, Dan De Bono i tha transmetuesit kombëtar Radio Zelanda e Re se mesazhet paralajmëruese në zonat e aeroportit mund të jenë mjaft intensive dhe përfshijnë kërcënime për të shtrënguar masat ose për të vendosur gjoba, diçka që aeroporti donte të shmangte.
Është një aeroport dhe vendet e largimit janë vende të zakonshme për lamtumirë dhe ndarje.
Shumë njerëz vonohen shumë në zonën e zbritjes. Nuk ka vend për të tjerët.
Ndonjëherë, udhëtarët përdornin zonën e zbritjes për t’u përfshirë në akte dashurore të minutës së fundit.
Aeroportet janë vatra emocionesh.
De Bono tha se sinjalistika e re ka shkaktuar mjaft bujë dhe polemika.
Aeroporti nuk do të ketë një njësi speciale të policisë së përqafimit që zbaton rregullin, tha De Bono, por stafi mund t’u kërkojë me mirësjellje të pranishmëve që të lëvizin në parkingun e makinave.
Ne nuk jemi këtu për t’u thënë njerëzve se sa kohë duhet të përqafohen, por është më shumë mesazhi, ju lutemi të ecni përpara dhe lironi hapësirë për të tjerët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
