Një tjetër pacient është hedhur nga Spitali Infektiv në Tiranë.
Sipas raportimeve të para, pacienti në fjalë është hedhur nga kati i dytë.
Sipas policisë, pacienti R.G., është 69 vjeç, dhe aktualisht po merr shërbimin mjekësor.
Ai ishte shtruar prej disa ditësh në Spitalin Infektiv.
Ndërtesa është rrethuar nga forca policore.
Ky është pacienti i katërt që hidhet nga ambientet e spitaleve COVID.
Tre rastet e tjera kanë ndodhur në spitalin COVID-2.
Në një reagim, QSUT informon se pacienti është nën kujdesin e mjekëve.
"Qendra Spitalore Universitare “Nënë Tereza” sqaron opinionin publik se stafi mjekësor në Spitalin Infektiv po bën përpjekjet maksimale për të shpëtuar jetën e pacientit, pas ngjarjes së rëndë të ndodhur në Spitalin Infektiv, ku një pacient tentoi të kryente aktin tragjik. Pacienti me inicialet R.G., 69 vjeç aktualisht është nën kujdesin e mjekëve të këtij spitali. Në këto ditë të vështira të përballjes me Covid-19, kur mjekët tanë po bëjnë një sakrificë të jashtëzakonshme, sigurojmë qytetarët se jemi në krye të detyrës dhe askush nuk do të mbetet pa marrë shërbim mjekësor! Në këto momente nevojitet bashkëpunim dhe drejtësi në përcjelljen e informacioneve, për të ndihmuar mbi të gjitha stafet mjekësore që janë 24 orë në shërbim, siç kanë bërë dhe do të bëjnë deri në fund të kësaj beteje!", thuhet në reagim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
