Tesla shkurton fuqinë punëtore globale me 10%, thënë ndryshe 14 mijë vende pune.
Në një email drejtuar punonjësve të raportuar nga agjencia Bloomberg, Elon Musk shpjegon se nisma në disa raste i detyrohet dyfishimit të roleve por mbi të gjitha nevojës për të ulur kostot.
“Ndërsa përgatitemi për fazën tjetër të rritjes sonë, është jashtëzakonisht e rëndësishme që të shikojmë çdo aspekt të kompanisë për të ulur kostot dhe për të rritur produktivitetin,” thekson Musk.
Duke iu referuar shkurtimeve të vendeve të punës, ai shkroi: “Nuk ka asgjë që urrej më shumë, por duhet bërë. Kjo do të na mundësojë të jemi inovativë dhe të uritur për ciklin e ardhshëm të fazës së rritjes.”
Lëvizja e raportuar pason një fillim të vështirë të vitit për prodhuesin e makinave elektrike, i cili humbi pritshmëritë e tregut me shifrat e shitjeve të tremujorit të parë.
Tesla tha se kishte bërë afërsisht 387.000 dërgesa për klientët në tremujorin e parë të 2024, duke i humbur pritshmëritë e tregut me rreth 13%. Kjo ishte rënia e parë e dërgesave në gati katër vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
