Konkursi i Këngës në Eurovizion do të zhvillohet vitin e ardhshëm në Britaninë e Madhe.
Organizatorët e eventit vendosën që stacioni i radhës të jetë Britania, duke u shmangur nga tradita e mbajtjes në vendin fitues, për shkak të konfliktit ushtarak që vijon në Ukrainë.
Britania u rendit e dyta në festivalin e fundit të Eurosong, çka bëri që organizatorët ta zhvendosin atë në ishull.
"Ne u jemi mirënjohës partnerëve tanë të BBC që treguan solidaritet me ne," tha Mykola Chernotytskyi, kreu i transmetuesit publik të Ukrainës.
Nuk dihet ende se në cilin qytet do të mbahet festivali i këngës europiane, por qytete si Glasgow, Manchester dhe Bristol kanë shprehur një interes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
