Asgjësohen 2114 bimë kanabisi në qarkun e Shkodrës

Policia e Shkodrës ka zbuluar dhe asgjësuar 2114 bimë kanabisi në territoret e njësive administrative Pult, Shllak dhe Vaun e Dejës.

Në njoftimin e policisë thuhet: Qarku Shkodër/Vijon megaoperacioni policor antikannabis “Territor i pastër”, asgjësohen 2114 bimë kanabisi.

Në kuadër të këtij megaoperacioni që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut. Gjatë kësaj faze të megaoperacionit:

-shërbimet e Komisariatit të Policisë Shkodër gjetën në territorin e njësive administrative Pult dhe Shalë, dhe asgjësuan 703 bimë kanabisi;

-shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1411 bimë kanabisi.

Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.

Kontrollet vijojnë.