Zululand i është rikthyer sërish këtë të martë Reformës në Drejtësi dhe debatit që po zhvillohet mbi lidhur me draftin që kanë prozuar ekspertët dhe leximit politik që po i bëhet, asaj çfarë ka artikuluar Komisioni i Venecias. I ftuar në studio ka qenë ministri i Drejtësisë, Ylli Manjani, i cili ka folur rreth qëndrimit të LSI për këtë reformë.
Në nisje të bisedës zoti Manjani tha se Kushetuta e vitit 1998 ka qenë një kushtetutë ekselente dhe se i vetmi fakt që e ka kompromentuar atë, kanë qenë ndërhyrjet e bëra pas vitit 2005.
I pyetur nga Mustafa Nano lidhur me qëndrimin e LSI-së, Ministri i Drejtësisë tha se kjo parti do të vazhdojë të insistojë në atë sesi është lexuar opinioni i Komisionit të Venecias. Sa i përket qëndrimit të ambasadorëve, Manjani tha se nuk i heq asnjë pikë e presje deklarimeve të tyre.
Në fund të emisionit Nano e pyeti ministrin mbi raportet e LSI-së dhe PS-së. “Kjo qeveri nuk ka sfidë vetëm Reformën në Drejtësi, por edhe të tjera siç është ekonomia etj. Rama dhe Meta sigurisht diskutojnë dhe debatojnë mes tyre, por kjo është e shëndetshme dhe s’ka asnjë arsye pse të mos vazhdohet më tej”, tha ai.
Manjani më tej shtjelloi se një qeveri teknike do të ishte e rrezikshme për vendin, pasi sipas tij ato janë të papërgjegjshme, ndërsa shtoi se zgjedhjet e parakohshme nuk do të zgjidhnin asgjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
