Opozita i ka vijuar akuzat ndaj qeverisë jashtë sallës së Parlamentit pas ndërprerjes së seancës. Ish-kryeministri Sali Berisha bëri thirrje për largimin e Ramës nga zyra.
“Ky faqezi për të mbrojtur vëllain e tij deklaroi brenda natës se ajo është një audio e montuar. Sot ky faqezi për t’i shpëtuar kësaj ka ndërmarrë një akt terrorist. A e di ky faqezi se zinxhiri i dëshmitarëve është i pafund. Ta kërrejmë nga zyra, ta hedhim në Lanë si një kalbësirë që po qelb Shqipërinë dhe Ballkanin”, tha Berisha.
Ndërsa kryetarja e LSI-së, Monika Kryemadhi, tha se drejtësinë do ta vendosë populli.
“Koha e drejtësisë po vjen. Drejtësia do të vijë nga populli shqiptar sepse nuk mund të vazhdojë më që të pasurit të pasurohen dhe të varfrit varfërohen. Ju e patë vetë si falsifikohen dokumentacione dhe procedura, si i mbyllet goja opozitës, si arroganca imponohet. Asnjë shqiptar nuk do të lejojë që Rama të prekë dhe të cenojë fëmijët e tyre. Kush do të pranojë që ilaçet e kancerit të shiten nga zyrat e Kryeministrisë. Sot kishte frikë të vinte në Parlament dhe gjeti justifikim të shkonte në samitin e Bullgarisë. Opozita është më e bashkuar se asnjë herë kundër kësaj maxhorance, e cila po u merr frymën shqiptarëve”, tha ajo.
Ndërkohë, pak para nisjes së seancës, kreu i PD-së, Basha, zgjodhi një shprehje të Ramës për të komentuar situatën politike. “S’keni parë gjë akoma”, tha ai në nisje të seancës parlamentare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
