'Këtë javë mund të bjerë qeveria dhe Parlamenti'

Deputeti Ben Blushi parashikon një të ardhme jo të mirë për Shqipërinë javën që vjen.

Sipas tij, Shqipëria mund të mos ketë qeveri, as veting dhe as President, çka do ta rrëzonte komplet shtetin shqiptar. Blushi shkruan në FB se edhe vetë kriza ka hyrë në një krizë.

STATUSI KRIZA PO HYN NË KRIZË

Duke nisur nga kjo javë mund të kthehemi në një Republikë pa institucione. Mund të mos kemi Qeveri, mund të mos kemi Veting, mund të mos kemi President dhe mund të mos kemi Zgjedhje. Askush nuk po negocion dhe askush nuk do të negociojë. Shqipëria po shkon në rënie të lirë. Edhe vetë kriza po hyn në krizë.