Autoritetet iraniane po i nënshtrojnë gratë në një mbikëqyrjeje gjithnjë e më të rreptë për të zbatuar kërkesën për t’u mbuluar, madje edhe brenda makinave, dhe po vendosin dënime duke përfshirë konfiskimin e automjeteve.
Amnesty International e denoncon një fakt të tillë në një raport të publikuar përpara 8 marsit. Qeveria e Republikës Islamike u trondit në vitin 2022 nga protestat masive pas vdekjes së të resë Mahsa Amini, e arrestuar për mos mbajtjen e rregullt të mbulesës.
Pavarësisht trazirave disamujore, Teherani nuk e ka konsideruar kurrë braktisjen e hixhabit të detyrueshëm të vendosur pas revolucionit islamik të vitit 1979.
Raporti i ri i Amnesty-së bazohet në dëshmitë e më shumë se 40 grave në Iran dhe është publikuar përpara Ditës Ndërkombëtare të Gruas në 8 Mars.
Rezulton se gratë janë në shënjestër të “mbikëqyrjes së gjerë” në hapësirat publike dhe kontrollit masiv të policisë kundër atyre që drejtojnë makinën.
Pamjet e kapura nga kamerat e vëzhgimit ose raportet nga oficerët me rroba civile duke përdorur aplikacionin e policisë Nazer identifikojnë targat e automjeteve me drejtuese femra ose pasagjere të akuzuara për mosrespektim të rregullave.
Gratë e akuzuara për shkelje të rregullave më pas marrin një thirrje nga policia të cilës duhet t’i dorëzojnë makinën, kështu janë sekuestruar qindra mijëra automjete, të cilat në disa raste lirohen pas 15-30 ditësh pasi gjobat konsiderohen arbitrare nga Amnesty.
Sipas Zëvendës Drejtoreshës për Lindjen e Mesme dhe Afrikën e Veriut, Diana Eltahawy, kjo është “një përpjekje e keqe për të dobësuar rezistencën ndaj mbulesës së detyrueshme” përmes aktivitetit që synon “të terrorizojë gratë dhe vajzat duke i nënshtruar ato në vëzhgim dhe policim të vazhdueshëm”.
Qasja në transport, aeroporte dhe shërbime bankare refuzohet në mënyrë rutinore dhe varet nga gratë që mbajnë shami, tha më tej ajo.
Ndryshe, ekziston rreziku i ndjekjes penale dhe janarin e kaluar u shqiptua një dënim me 74 kamxhik për një të re, Roya Heshmati, për paraqitje pa mbulesë në publik.
Shtatorin e kaluar, parlamenti iranian miratoi “projektligjin për të mbështetur kulturën e dëlirësisë dhe hixhabit”, i cili rrit dënimin për ata që shkelin këtë rregull, ligji duhet të miratohet edhe nga organi mbikëqyrës i Këshillit të Gardianëve të Revolucionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
