Një student hapi zjarr në një universitet në Rusi, duke lënë të vdekur 8 persona.
Autoritetet ruse thane se disa persona kanë mbetur të plagosur nga sulmi në Universitetin Shtetëror të Perm dhe se i dyshuari ishte plagosur gjithashtu nga policia.
Pamjet dramatike të studentëve që vraponin dhe hidheshin nga ndërtesa për ti shpëtuar sulmit janë publikuar në rrjetet sociale.
Në video shihet një person i veshur me rroba të zeza dhe me një antiplumb, teksa mban në duar një armë dhe ecën nëpër godinë.
Sulmi i fundit i tillë vdekjeprurës ndodhi në maj 2021, kur një person i armatosur 19-vjeçar hapi zjarr në shkollën e tij të vjetër në qytetin qendror rus të Kazanit, duke vrarë nëntë persona.
Hetuesit thanë se burri vuante nga një çrregullim i trurit. Por ai u konsiderua i përshtatshëm për të marrë një licencë për armën gjahu gjysmë automatike që përdori në sulm.
Në ditën e atij sulmi Presidenti Vladimir Putin bëri thirrje për një rishikim të ligjeve të kontrollit të armëve.
Në Nëntor 2019, një student 19-vjeçar në qytetin lindor të Blagoveshchensk hapi zjarr në kolegjin e tij, duke vrarë një shok klase dhe duke plagosur tre persona të tjerë para se të vriste veten.
Shërbimi i sigurisë i vendit FSB thotë se ka parandaluar dhjetëra sulme të armatosura në shkolla vitet e fundit.
Në shkurt 2020 FSB tha se kishte arrestuar dy adoleshentë të dyshuar për komplotimin e një sulmi në një shkollë në qytetin e Saratov me armë dhe eksplozivë të bërë në shtëpi.
Autoritetet kanë pohuar se të rinjtë rusë po ekspozohen gjithnjë e më shumë ndaj ndikimeve negative në internet, veçanërisht nga perëndimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
