Zbardhet ngjarja e ndodhur disa javë më parë në Vlorë, ku nënë e bir u dogjën brenda në shtëpi.
Policia dyshoi menjëherë së bëhej fjalë për një vrasje dhe nisi hetimet për të gjetur shkaqet e vdekjes së O.H. dhe nënës së tij, S.H.
Pesë javë pas ngjarjes, policia ka vënë në pranga nusen e viktimës, Hysnie Hoxhallarin, 32 vjeçe, banuese në Vlorë dhe Kasëm Pirjasin, 26 vjeç, banues në Strum, Fier.
Sipas hetimeve, të dy këta persona në bashkëpunim me njëri-tjetrin, për motive të dobëta, kanë dhunuar e më pas kanë vrarë shtetasit O.H., e S.H., si dhe kanë shkaktuar zjarr në banesë me qëllim fshehjen e provave duke synuar për ta devijuar ngjarjen si "aksidentale".
Në cilësinë e provës materiale është gjetur dhe sekuestruar arma e ftohtë me të cilën dyshohet se është kryer krimi (mjet prerës i fortë prej metali). Materialet hetimore iu referuan Prokurorisë së Rrethit Gjyqësor Vlorë, për veprën penale “Vrasja në rrethana cilësuese, kryer në bashkëpunim”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
