Tre avokatët e liderit të ndjerë të opozitës ruse Alexei Navalny u shpallën fajtorë nga një gjykatë ruse sot për pjesëmarrje në një organizatë ekstremiste dhe u dënuan me burgim nga 3.5 deri në 5.5 vjet.
Vadim Kobzev, Igor Sergunin dhe Alexei Lipcher u arrestuan në tetor 2023 dhe muajin pasardhës iu shtuan listës zyrtare të “terroristëve dhe ekstremistëve”.
Edhe Navalny, i cili vdiq papritur ndërsa mbahej në një burg të Arktikut shkurtin e kaluar, ishte dënuar për ekstremizëm dhe akuza të tjera, të cilat ai i mohoi deri në fund.
Gruaja e tij Julia Navalnaya i quajti avokatët të burgosur politikë dhe tha se ata u arrestuan thjesht sepse kryen detyrën e tyre.
Kremlini është shprehur se nuk komenton çështjet individuale të gjykatës, por autoritetet e kanë cilësuar Navalny dhe mbështetësit e tij si tradhtarë të mbështetur nga perëndimi që duan të destabilizojnë Rusinë.
Sergunin u dënua me 3.5 vjet burg, Lipcher u dënua me pesë vjet dhe Kobzev me 5.5 vjet. Gjyqi i tyre u mbajt me dyer të mbyllura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
