Presidenti i entitetit serb të Bosnjë e Hercegovinës, Republika Sërpska, Millorad Dodik, është dënuar sot me vendim të formës së prerë, për mosrespektim të vendimeve të Përfaqësuesit të Lartë.
Trupi gjykues e ka konfirmuar aktgjykimin e shkallës së parë të 26 shkurtit, me të cilin Milorad Dodik është dënuar me një vit burgim dhe ndalim prej gjashtë vjetësh për ushtrimin e funksioneve politike. Përmes një konference të jashtëzakonshme për mediat Dodik tha se nuk e pranon dënimin.
“Institucionet e RS-së do ta përcaktojnë qëndrimin e tyre për këtë çështje. Unë do të pranoj çdo vendim të Parlamentit, por këtë vendim nuk e pranoj”, tha Dodik.
“Të gjitha vendimet tona do të jenë politike. Gjykata e Bosnjë e Hercegovinës është diskualifikuar si organ juridik”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
