Udhëheqësi i Al Kaedës, Ayman al-Zawahiri, i cili është vrarë në një sulm me dron amerikan në Afganistan, ishte ideologu kryesor pas rrjetit global të terrorizmit për disa dekada, megjithëse ai kurrë nuk arriti të merrte plotësisht statusin e themeluesit karizmatik, Osama bin Laden.
Mjeku egjiptian, 71 vjeç, kishte rol qendror në sulmet e Al Kaedës ndaj ambasadave amerikane në Kenia dhe Tanzani në vitin 1998 dhe në sulmin masiv ndaj vetë Shteteve të Bashkuara më 11 shtator 2001, që la gati 3 000 të vdekur.
Por gjatë dekadës që ai kryesoi grupin pas vrasjes së bin Ladenit në vitin 2011, ai nuk e rifitoi kurrë rëndësinë e tij, pasi grupi agresiv i Shtetit Islamik (IS) mori drejtimin në lëvizjen xhihadiste, duke pushtuar zona të mëdha të territorit në Irak dhe Siri dhe duke shpallur kalifatn.
Edhe pse disa analistë thanë se Zawahiri sa vinte e bëhej më i ngathët, ai dukej se po kërkonte të rindërtonte grupin sërish në partneritet me talebanët që kur ata morën kontrollin e Afganistanit gushtin e kaluar.
“Drejtësia u dha dhe ky lider terrorist nuk është më”, tha presidenti Joe Biden të hënën ndërsa njoftoi vdekjen e Zawahirit në një sulm me dron amerikan në Kabul, ku ai me sa duket ishte zhvendosur pasi ishte fshehur për vite në kufirin afgano-pakistanez.
Në krah të bin Ladenit
Zawahiri u rrit në një lagje të Kajros përpara se të bëhej një disident politik. Ai u përfshi në komunitetin radikal islamik të Egjiptit në moshë të re.
Ai u burgos për tre vjet në Egjipt për militantizëm dhe u implikua në vrasjen e presidentit Anwar Sadat në vitin 1981 dhe masakrën e turistëve të huaj në qytetin e Luxor në 1997. Më pas ai u lidh me bin Ladenin në Afganistan, duke u bërë strategu kryesor i Al Kaedës – dhe njëkohësisht shërbente si mjeku personal i Bin Ladenit.
Zaëahiri ishte një nga pesë nënshkruesit e "fetvasë" së bin Ladenit të vitit 1998 që bënte thirrje për sulme kundër amerikanëve dhe nisi të shfaqej rregullisht në anën e liderit të Al Kaedës.
Shpesh i takonte Zawahirit – i identifikueshëm nga një gungë e spikatur në ballë – që të motivonte ndjekësit e grupit me paraqitjet e tij në video.
Ashtu si Bin Ladeni, ai u zhduk pas sulmeve të 11 shtatorit 2001, duke u mbijetuar tentativave për ta ekzekutuar dhe duke u rishfaqur pas raportimeve se kishte vdekur. Por ai qëndroi në pamjet e SHBA-së, me një shpërblim prej 25 milionë dollarësh në kokë për sulmet e ambasadës në vitin 1998.
Në hijen e Shtetit Islamik
Zawahiri mori komandën e al-Kaedës në vitin 2011, pasi forcat e marinës amerikane u futën në shtëpinë e bin Ladenit në Pakistan dhe e ekzekutuan.
Udhëheqësi i ri xhihadist mbeti i lirë rreth kufirit afgano-pakistanez, me një organizatë shumë të zvogëluar të lënë në hije nga grupi IS. Megjithatë, Al Kaeda mbetej kërcënim përmes ekskluziviteteve të fuqishme në Jemen, Afrikë dhe Azinë Lindore.
Analistët e përshkruan udhëheqjen e Zawahirit më shumë si një bord këshillues sesa një komandë koherente dhe të centralizuar. Me kalimin e viteve, sulmet ajrore të SHBA-së vranë një sërë bashkëpunëtorësh të tij, duke dobësuar aftësinë e tij për të koordinuar grupin në nivel global.
Megjithatë, analistët Colin Clarke dhe Asfandyar Mir shkruan në Foreign Policy se ndërsa Zawahiri dukej i dobët, ai ishte po aq i rrezikshëm për Shtetet e Bashkuara sa Bin Laden.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
