Një gjykatë kineze ka dënuar me burgim të përjetshëm një shtetas amerikan 78-vjeçar për akuzën e spiunazhit.
John Shing-Wan Leung, i cili është një banor i përhershëm në Hong Kong, u burgos të hënën.
Gjykata në qytetin juglindor të Suzhou nuk dha detaje të mëtejshme për akuzat kundër tij.
Leung u arrestua në qytet dy vjet më parë nga një zyrë lokale e agjencisë së kundërzbulimit të Kinës, thuhet në një njoftim për shtyp nga gjykata.
Ai u shpall fajtor për spiunazh, u dënua me burgim të përjetshëm dhe privohet nga të drejtat politike përgjithmonë, raporton BBC.
Është e paqartë se ku jetonte Leung në kohën e arrestimit të tij.
Një zëdhënës i ambasadës amerikane në Pekin tha se ishin në dijeni të raporteve.
Departamenti i Shtetit nuk ka prioritet më të madh se siguria e qytetarëve amerikanë jashtë shtetit.
Gjykimet me dyer të mbyllura janë të zakonshme në Kinë dhe zakonisht bëhen publike pak detaje për raste të ndjeshme si ato që përfshijnë akuza për spiunazh.
Në korrik, një ligj i ri do të hyjë në fuqi i cili zgjeron fushën e legjislacionit të spiunazhit të Kinës. Ai do të ndalojë dorëzimin e çdo të dhënë që autoritetet mendojnë se kanë lidhje me sigurinë kombëtare.
Burgimi mund të tensionojë më tej marrëdhëniet midis Kinës dhe SHBA-së, të cilat u përkeqësuan gjatë administratës së ish-Presidentit amerikan Donald Trump pasi ai filloi një luftë tregtare kundër Kinës në 2018.
Dy superfuqitë vazhdojnë të përplasen për çështje të ndryshme, duke përfshirë Tajvanin, militarizimin e Kinës në Detin e Kinës Jugore dhe origjinën e Covid.
Tensionet u rritën gjithashtu në shkurt kur SHBA-ja rrëzoi një balonë të supozuar spiune kineze, për të cilën Pekini këmbënguli se ishte një pajisje monitoruese e motit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
