Drejtoria e Përgjithshme e Doganave ka vijuar operacionet e saj në kuader të aksionit kundër informalitetit.
Sipas një njoftimi të Ministrisë së Financave, gjatë kontrolleve të ushtruara edhe me ndihmën e forcave të policisë ëhtë bërë i mundur sekuestrimi i katër automjeteve luksoze të tipit “Range Rover” dhe “Mercedes Benz”, të cilat kanë rezultuar se kanë hyrë kontrabandë në vendin tonë.
Detyrimi doganor i shmangur për këto automjete arrin në vlerën e 5.2 milionë lekëve, ndërsa vlera doganore e mallrave në shumën e 200 mijë eurove.
Për këto shkelje, materialet paraprake i kanë kaluar Prokurorisë së Tiranës, për konsumimin e veprave penale “kontrabandë mallrash” dhe “falsifikim dokumentesh”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
