Detaje të reja kanë dalë nga Policia e Lezhës, pas vrasjes së vëllait të ish-deputetit socialist Arben Ndoka. Blutë e Lezhës bëjnë me dije se diri tani janë shoqëruar 8 persona në polici si të akuzuar për vrasjen me paramendim të 48 vjeçarit Aleksander Ndoka.
Policia e Lezhës tha se po analizon dhe përpunon me kujdes të gjitha provat materiale të administruara në vendngjarje si dhe në ambiente të tjera që lidhen me të, nëpërmjet laboratorit shkencor dhe te gjitha potencialeve policore.
Sipas policisë pas këqyrjes së trupit të Aleksandër Ndokës, janë gjetur 11 plumba në trup. Ndërkohë që në vendngjarje janë gjetur 14 gëzhoja automatiku “Kallashnikov”. Gjithashtu në raportin e policisë thuhet se Ndoka është qëlluar nga një distancë prej jo më shumë se 5 metra.
Mësohet se hetimet janë përqendruar në zbardhjen në grumbullimin dhe zbardhjen e pamjeve filmike. Po ashtu mësohet se i është kërkuar ndihmë kompanisë celulare për zbërthimin e listës se telefonatave te bëra 24 orët e fundit për të zbuluar shkakun pse Ndoka doli nga banesa dhe cilët ishin personat qe kishin kontaktuar me te para ngjarjes.
Për zbardhjen e ngjarjes po punon një grup i posaçëm hetimor me Specialistë të Hetimit të Krimeve të Rënda në Drejtorinë e Përgjithshme të Policisë së Shtetit në bashkëpunim me Drejtorinë Vendore të Policisë Lezhë dhe me Prokurorinë e Rrethit.
Aleksandër Ndoka u gjet i vrarë rreth orës 4:20, minuta të mëngjesit në lagjen “Nënë Tereza”, në Lezhë. Vëllai i ish-deputetit socialist Arben Ndoka, u qëllua me armë zjarri përpara banesës së tij, teksa po zbriste nga automjeti tij “Mitsubishi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
