Eksperimet në Brazil, rastet e vdekjeve nga Covid-19 bien pasi të moshuarit vaksinohen

Një qytet në Brazil ka pësuar rënie të numrit të viktimave nga Covid-19 pasi pothuajse të gjithë të rriturit u vaksinuan si pjesë e një eksperimenti.

Serrana, me 45,000 banorë, nuk shënoi asnjë rast të ri pas një vaksinimi masiv me CoronaVac.

Ekipi tha se dhe ata që nuk ishin vaksinuar, ishin gjithashtu të mbrojtur nga virusi pas një ulje të qarkullimit të virusit.

Studimi tregoi se pandemia mund të kontrollohej deri në 75% nëse qytetarët vaksinoheshin.

Brazili ka pësuar një goditje të rëndë nga pandemia, pasi ka regjistruar gati 463,000 vdekje.

Vendi po lufton me një fushatë të ngadaltë vaksinimi për shkak të vaksinave të pamjaftueshme, ndërsa mesatarja e vdekjeve ditore dhe rasteve mbetet e lartë.

Eksperimenti në Serrana, në shtetin jug-lindor të São Paulo, u krye midis shkurtit dhe prillit nga Instituto Butantan, i cili prodhon vaksinën CoronaVac të zhvilluar nga Sinovac Biotech të Kinës.

Qyteti u nda në katër zona për të ndihmuar në përcaktimin e përmbajtjes së virusit. Ekipi tha se kjo u arrit pasi tre zona, ose rreth 75% e popullsisë mbi moshën 18 vjeç, u ishin dhënë të dyja dozat.

Kur 95% e të rriturve u vaksinuan plotësisht, ata thanë se rezultatet treguan se:

• Vdekjet ranë me 95%
• Shtrimet në spital ranë me 86%
• Rastet simptomatike ranë me 80%

Eksperimenti në Serrana ishte i pari i këtij lloji në botë, thanë autorët e tij. Nuk kishte raporte të efekteve anësore të rënda nga vaksina dhe asnjë vdekje të lidhur me Covid midis atyre që ishin vaksinuar 14 ditë pasi u aplikua doza e dytë, treguan rezultatet.

Një studim i ngjashëm po kryhet në një qytet tjetër brazilian, Botucatu, i cili ka një popullsi prej 148,000. Studiuesit po përdorin vaksinën e Oxford / AstraZeneca, të prodhuar në vend nga instituti Fiocruz.

Brazili ka numrin e dytë më të lartë të vdekjeve nga Covid në botë pas SH.B.A., dhe numrin e tretë më të lartë të rasteve, me më shumë se 16.5 milion. 

Burimi: BBC Përshtati: MCNtv.al