Një jetimore në Sarmata të Sirisë, u shemb pas tërmetit të fuqishëm që goditi zonën kufitare me Turqinë mëngjesin e së hënës duke shkatërruar mijëra ndërtesa.
Si pasojë e lëkundjeve të forta sizmike, një fëmijë humbi jetën dhe pesë të tjerë u plagosën.
Një lajm i tillë bëhet i ditur nga zëdhënësi i UNICEF Italia, Andrea Iacomini.
Si UNICEF, shprehim ngushëllimet tona më të thella për familjet që humbën të dashurit në tërmetin shkatërrues që goditi mbi 10 provinca në rajonet juglindore të Turqisë dhe Sirisë veriore dhe urojmë shërim të shpejtë për të plagosurit.
UNICEF është i gatshëm të mbështesë operacionet emergjente të partnerëve nëse ato do të jenë të nevojshme.
Sipas njoftimeve nga terreni, situata është e rëndë. Jemi pranë fëmijëve dhe familjeve të prekura nga kjo tragjedi.
Nga tërmeti që goditi Turqinë dhe Sirinë mbi 1 mijë persona humbën jetën dhe mijëra të tjerë mbetën të plagosur, teksa kërkimet në rrënoja vijojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
