Policia e Tiranës ka arrestuar një 47-vjeçar nga Vora pasi ishte shpallur në kërkim ndërkombëtar për trafik droge.
Shërbimet e Drejtorisë Vendore të Policisë Tiranë, kanë vënë në pranga me qëllim ekstradimi drejt Italisë, shtetasin Idajet Spahiu, 47 vjeç, banues në Vorë (Tiranë).
Ky shtetas ishte shpallur në kërkim ndërkombëtar, pasi autoritetet gjyqësore të Sassari/ Itali me Vendimin Nr.SIEP 35/2016 të datës 14.06.2017 e kanë dënuar me 4 vite e 7 muaj e 14 ditë burgim për veprën penale “Trafikim i lëndëve narkotike”, parashikuar nga nenet 110 & 112 të Kodit Penal Italian dhe neni 73/1, Dekreti 309/1990.
Materialet i kaluan Prokurorisë së Rrethit Gjyqësor Tiranë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
