Turqia u ka bërë me dije aleatëve të NATO-s se do të refuzojë anëtarësimin e Suedisë dhe Finlandës në aleancë, tha presidenti turk Tajip Erdogan në një video të postuar në llogarinë e tij në Twitter të enjten.
Finlanda dhe Suedia aplikuan zyrtarisht të mërkurën për t'u bashkuar me NATO-n, një vendim i nxitur nga pushtimi i Ukrainës nga Rusia. Kundërshtimet e Turqisë kanë ardhur si befasi për anëtarët e tjerë të aleancës.
"Ne do të vazhdojmë politikën tonë në mënyrë të vendosur. Ne u kemi thënë aleatëve se do t'i themi 'jo' anëtarësimit të Finlandës dhe Suedisë në NATO," tha Erdogan.
Presidenti turk tha se Suedia dhe Finlanda strehojnë dhe financojnë "terroristët" dhe i furnizojnë ata me armë, duke përsëritur akuzën e Ankarasë se vendet mbështesin grupet që ajo i konsideron terroriste, përkatësisht grupin militant të Partisë së Punëtorëve të Kurdistanit (PKK) dhe YPG-në kurde siriane.
“NATO është një aleancë sigurie dhe ne nuk mund të pranojmë që terroristët të jenë në të”, tha Erdogan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
