Presidenti ukrainas Volodymyr Zelensky kërkoi sanksione të forta kundër Moskës ndërsa udhëton në Nju Jork këtë javë, ku pret të takohet me Presidentin e amerikan Donald Trump.
“Rusia duhet të ndiejë pasojat e asaj që po bën. Nevojitet kundërveprim i mjaftueshëm për t’i detyruar ata të kërkojnë paqe”, tha Zelensky në mediat sociale të dielën.
Sanksionet e forta janë një instrument që do ta ndalojnë Rusinë të bëhet një kërcënim për vendet e BE-së. Ukraina po mbrohet nga sulmet ruse pothuajse çdo ditë.
Mijëra komponentë të huaj janë gjetur në armët ruse, të cilat vijnë për Europën, Shtetet e Bashkuara dhe Japoninë. Ne duhet të ndërpresim të gjitha rrugët e mundshme të furnizimit dhe mjetet për të shmangur sanksionet.
Lideri ukrainas pret të takohet me Trump në margjinat e Asamblesë së Përgjithshme të Kombeve të Bashkuara në Nju Jork këtë javë, ku do të kërkojë sqarime se çfarë garancish sigurie janë të gatshme të ofrojnë SHBA-të si pjesë e një zgjidhjeje paqeje.
Thirrja për sanksione më të forta vjen pasi vendet e Bashkimit Europian dhe NATO-s panë hapësirën e tyre ajrore kombëtare të shkelur nga Moska.
Të paktën 20 dronë rusë arritën në Poloni më herët këtë muaj, në atë që vendi e quajti një provokim rus. Tre avionë luftarakë rusë kryen një inkursion në Estoni të premten, të cilin vendi e quajti “një provokim jashtëzakonisht të rrezikshëm”.
Komisioni Evropian prezantoi të premten një paketë të re sanksionesh kundër Rusisë, e cila përfshinte masa ndaj më shumë subjekteve kineze dhe indiane. Paketa ende ka nevojë për miratimin e qeverive të BE-së.
“Ne mbështetemi që paketa e 19-të e sanksioneve të BE-së të jetë vërtet e dhimbshme dhe që Shtetet e Bashkuara t’u bashkohen evropianëve”, tha Zelensky në postimin e së dielës në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
