Në krah të njëri tjetrit dhe me lëvizjen ikonike të njeriut më të shpejtë në planet presidenti Aleksandër Vuçiç dhe legjenda e atketikës Usain Bolt i hapën rrugë një bashkëpunimi që do të përfaqësojë imazhin e Serbisë në botë.
Vrapuesi xhamajkan, fituesi i shumë medaljeve të arta olimpike do të jetë ambasador i EXPO 2027, një prej ngjarjeve më të mëdha inovative që do të mbahet në Beograd.
Usain Bolt falënderoi presidentin Vuçiçin dhe popullin e Serbisë për rolin e tij si ambasador dhe nuk e fshehu afinitetin për trashëgiminë sportive të vendit dhe mbështetjen e të rinjve për sportin.
Mendoj se është thelbësore dhe diçka që vazhdoj ta mbështes dhe ta dua.
Ndërsa presidenti serb Vuciç, dukshëm i kënaqur me këtë arritje foli për një tjetër shpejtësi të Serbisë.
Duam të thyejmë të gjitha rekordet dhe të jemi më të mirët e të gjitha kohërave, duke na bërë po aq të vështirë për t'u tejkaluar sa vetë Usain Bolt.
Emërimi i Bolt si ambasador i Serbisë në Expo 2027 bashkon simbolin më të njohur në botë të shpejtësisë, lojës dhe energjisë pozitive. Si një njeri që transformoi rrjedhën e atletikës, Bolt do të përdorë rolin e tij si ambasador për të ndihmuar në ndarjen e vlerave të lëvizjes, frymëzimit dhe solidaritetit - me miliona njerëz në të gjithë globin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
