Një helikopter u rrëzua në çatinë e hotelit “Hilton” në qytetin verior të Australisë, Cairns, duke vrarë pilotin dhe duke shkaktuar një zjarr që shkaktoi një evakuim masiv.
“Piloti i cili ndodhej i vetëm në avion u deklarua i vdekur, ndërkohë që po zhvillohen hetime mjeko-ligjore për identifikimin zyrtar të tij”, sqarojnë autoritetet australiane në një deklaratë për mediat.
Një nga tehet e avionit ra në pishinën e hotelit, thanë shërbimet lokale të urgjencës, duke shtuar se dy persona të plagosur u dërguan në spital në gjendje të qëndrueshme.
Një tjetër helikë ra në sheshin përballë godinës, por sipas policisë asnjë nga personat në tokë nuk është lënduar.
Qindra të ftuar u evakuuan nga hoteli DoubleTree by Hilton pas aksidentit, i cili ndodhi në mes të natës, rreth orës 01:50 të mëngjesit me orën lokale.
Hetuesit e Byrosë Australiane të Sigurisë së Transportit u dërguan në vendngjarje.
Qyteti bregdetar i Cairns i cili ndodhet në verilindje të shtetit australian të Queensland, është një destinacion popullor turistik dhe portë hyrëse për në Barrierën e Madhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
