Polonia dhe Hungaria kanë arritur një kompromis me Gjermaninë për të zhbllokuar fondin e rimëkëmbjes dhe buxhetin e BE, të mbajtura penga deri tani nga vetoja e dy vendeve.
Budapesti dhe Varshava deri tani nuk kanë dhënë votën e tyre, çka ka bërë të mbetet i bllokuar buxheti i BE-së dhe fondi për rimëkëmbjen nga pandemia.
Divergjencat mes dy vendeve me shtetet e tjera anëtare të BE-së kanë ardhur për shkak të kushtëzimit për shtetin e së drejtës.
Kjo u raportua nga zëvendëskryeministri polak, Jaroslaw Gowin, i cili citohet nga agjencia Bloomberg. “Tani për tani kemi një marrëveshje midis Varshavës, Budapestit dhe Berlinit. Unë besoj se marrëveshja mund të përfshijë 24 kryeqytetet e tjera evropiane”, deri të premten, në fund të Këshillit Evropian, u tha Gowin gazetarëve.
Kompromisi do t'i jepte fund një ngërçi që ka mbajtur peng fondin e ndihmës pandemike prej 750 miliardë eurosh (909 miliardë dollarë) dhe buxhetin 2021-2027 prej 2.2 trilionë dollarësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
