Diabetikët janë më të rrezikuar nga Covid 19, pasi kjo sëmundje prek të gjitha organet e trupit, çka e bën më të vështirë përballimin e koronavirusit të ri.
Mjeku Isuf Kalo në një bisedë telefonike për TvT tha se kjo kategori mund të mbrohet vetëm duke qëndruar në shtëpi.
"Diabeti është një sëmundje, e cila prek të gjitha organet e trupit, nëse një sëmundje veshkash dëmton më shumë veshkën, diabeti dëmton kudo. Dëmton zemrën, mëlçinë, veshkën, sistemin nervor etj. Diabeti është si një katalog i sëmundjeve të brendshme. Ne po i detyrojmë që të rrinë në shtëpi sepse duhet të rrinë për t’u mbrojtur. Ata janë në mjekim e sipër, qëndrimi në shtëpi ua vështirëson dhe rëndon diabetin, por është e vetmja mënyrë për t’u mbrojtur. Paravarësisht se çfarë mjekimi ju bëhet, një gjë është e përbashkët, në këto rrethana që janë duhet të rrinë të mbyllur brenda. Ka rrezik që diabeti t’u çrregullohet, prandaj duhet të luftojmë ta ekuilibrojmë sa më mirë, që dhe po u prekën nga koronvirusi të jenë kontigjenti që do e kalojë sa më lehtë", tha Kalo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
