Ministria për Evropën dhe Punët e Jashtme njofton se shteti grek ka shtyrë masat aktuale anti-Covid deri më datë 24 janar 2022.
Me anë të një njoftimi në Facebook, MEPJ bën me dije se të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht në qoftë se janë të vaksinuar ose kanë qenë të diagnostikuar me COVID-19, janë të detyruar të paraqesin test të shpejtë antigjenetik dhe test negativ PCR.
-Test negativ PCR, kryer brenda 72 orëve, përpara udhëtimit ose
-Test të shpejtë antigjenik, kryer brenda 24 orëve para udhëtimit.
-Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike https://travel.gov.gr, me të dhënat e tyre të kontaktit në Greqi, përpara mbërritjes.
-Masa vlen për të rriturit dhe fëmijët mbi 5 vjeç, pavarësisht nga vaksinimi.
Pikat kufitare të Kakavisë, Kapshticës dhe Qafë-botës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
