Si asnjëherë më parë ceremonia e ndarjes së çmimeve Golden Globes është mbajtur pa pjesëmarrje të yjeve të filmit dhe pa transmetim televiziv.
Filmat, West Side Story dhe The Power of the Dog, kanë qenë fituesit më të mëdhenj në ceremoninë e ndarjes së Çmimeve Golden Globes më 9 janar.
Ceremonia e vogël e këtij viti është mbajtur në Los Angelos pa tapet të kuq dhe pa praninë e mediave.
Filmi i regjisorit, Steven Spielberg, West Wide Story, ka fituar çmimin në kategorinë e filmit muzikor, derisa çmime kanë fituar edhe aktoret, Rachel Zegler dhe Ariana DeBose.
Filmi The Power of The Dog ka fituar çmimin për dramën më të mirë dhe regjisorja e tij, Jane Campion ka fituar çmimin për regjinë më të mirë.
Mungesa e personaliteteve të famshme dhe pjesëmarrje pa prezencë fizike, por online, ka nënkuptuar se gjatë natës nuk janë mbajtur fjalime që do të mbahen në mend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
