Protestat në Britani, Hasani: Kanë për qëllim frikësimin e të huajve, shqiptarët të mos bëhen pjesë e asnjë grupi  

<p>Një sërë protestash janë mbajtur ditët e fundit në qytete të ndryshme të Britanisë së Madhe kundër politikave të qeverisë për emigracionin. Sipas medieve britanike, grupet i marrin mesazhet në Telegram dhe më pas i përhapin në X dhe Tik Tok. Në protesta ka pasur edhe përplasje me policinë.</p> <p>Nga Londra, avokati Naim Hasani tha se protestat janë organizuar nga ekstremistë të djathtë që duan largimin e çdo të huaji që jeton në Britani.</p> <blockquote> <p><em>Ka një javë që banda ose elementë kriminalë që veprojnë për një organizatë ilegale me qëllim mbajtjen e Britanisë pa të huaj dhe emigrantë. Protestat fillimisht ishin për vdekjen e tre vajzave të vogla, pas një sulmi nga një i ri në një shkollë verore. Ajo që është e rëndësishme është që këto protesta nuk kanë të bëjnë me atë që ka ndodhur një javë më parë. Janë protesta që organizohen nga ekstremistë të djathtë që duan largimin e çdo të huaji që jeton në Britani. Është agjendë e ekstremit të djathtë dhe këto grupe kriminale kanë për qëllim: frikësimin e të huajve që jetojnë në Britani dhe avancimin e një kauze për mbajtjen e Britanisë pa të huaj. </em></p> </blockquote> <p>Sipas Hasanit, organizatat e ekstremit të djathtë kanë vite që veprojnë në Britani.</p> <blockquote> <p><em>Ka vite që këto organizata veprojnë. Eksponenti kryesor i tyre është Tony Robinson, i cili gjatë kohës që po zhvillohen këto protesta ndodhet në Qipro. </em></p> </blockquote> <p>Duke u ndalur te situata në të cilën i vendos shqiptarët kjo valë protestash, Hasani gjeti rastin të përcillte një mesazh për ta.</p> <blockquote> <p><em>Jemi në një situatë të tillë që ka me mijëra shqiptarë që jetojnë në Britani. Ata duhet të mbështesin punën e policisë, të jenë vigjilentë dhe të mos bëhen pjesë e asnjë grupi. Në rast se bëhen objekt i një sulmi të këtyre elementëve vandalë, të kërkojnë ndihmën e policisë. Politikat e qeverisë aktuale e sjellin atë më afër se kurrë me qytetarët britanikë. </em></p> </blockquote> <p>&nbsp;</p> <iframe width="1250" height="703" src="https://www.youtube.com/embed/44UNDyd-46Y" title="Protestat në Britani, Hasani: Shqiptarët të mos bëhen pjesë e asnjë grupi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>