Gazetarja Klodiana Lala, e ftuar në emisionin “Të Paekspozuarit” në MCN TV, ka sqaruar se Lulzim Basha është paraqitur në SPAK si person në dijeni për ngjarjet e 21 janarit 2011, që po hetohen nga kjo prokurori.
Sipas Lalës, Basha është thirrur mbi bazën e një fletëthirrjeje të firmosur nga prokurori Alfred Shehu, i cili po heton demonstratën e dhunshme të udhëhequr nga opozita e asaj kohe, ku katër persona humbën jetën në Bulevard.
Në kohën e ngjarjes, Basha mbante detyrën e ministrit të Brendshëm dhe ndodhej në ambientet e Kryeministrisë, ku Garda e Republikës hapi zjarr ndaj demonstruesve, duke shkaktuar viktimat.
Ai është thirrur për të dhënë informacion mbi dinamikën e atyre orëve të tensionuara dhe për të sqaruar nëse ka pasur urdhër për veprimet e Gardës.
Hetimi i SPAK-u është riaktivizuar mbi bazën e materialeve audio të siguruara nga SHBA, si dhe raportimeve të gazetarit Artan Hoxha dhe të afërmve të viktimave.
Prokuroria po heton rolin e zyrtarëve të lartë gjatë demonstratës, duke përfshirë edhe funksionarët e Gardës dhe personat që ndodheshin në Kryeministri.
Nëse zbulohen të plota komunikiment në radio, aty verifikohet kush e dha urdhrin, pasi fillimisht u qëllua me plumba manovër, por në fund. Agim Llupo, qëllon me armë dhe Ndrea Prendi me pistoletën e tij.
Basha është thirrur për sqarime. Së pari, janë komunikimet, që kemi dëgjuar vetëm një pjesë prej tyre dhe e dyta, predha që u hoq nga koka e Aleks Nikës në Turqi. Autoritetet thanë fillimihst nuk kemi laborator dhe ekspert për të analizuar se nga ka dalë predha.
Me zhvillimet e fundit, është arritur në konkluzionin që ekspertët e huaj dhe bëhet fjalë për laborator të specializuar, do të bëhet kqyrje e re e predhës. Nëse do të vërtetohet se nga cila armë ka dalë, mund të kemi ndryshim të dinamikës së ngjarjes. Këto janë momentet kyçe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
