Një gazetar pakistanez, që iku nga vendi i tij për t'i shpëtuar kërcënimeve me vdekje ka humbur në Suedi, ku iu dha azili politik.
Sajid Hussain u pa për herë të fundit duke hipur në një tren në Stokholm gjatë rrugës për në Uppsala më 2 mars, sipas “Reporterëve pa Kufij”.
Ata thanë se ai mund të jetë rrëmbyer "me urdhër të një agjensie inteligjence pakistaneze".
Hussain, 39 vjeç, u arratis në Suedi në vitin 2012 pasi kishte bërë disa shkrime mbi krimin e organizuar në Pakistan.
Gazeta “Online Balochistan Times”, për të cilën Hussain ishte kryeredaktor, tha se e kishte raportuar zhdukjen e tij në policinë suedeze më 3 mars.
Të afërmit i thanë gazetës pakistaneze “Dawn” se ata kishin pritur dy javë para se të shprehnin frikën e tyre në rast se ai kishte shkuar në izolim për shkak të shpërthimit të koronavirusit, thotë BBC.
Balochistan, në perëndim të Pakistanit, ka qenë skena e një kryengritjeje të gjatë nacionaliste. Ushtria pakistaneze është akuzuar për torturim dhe "zhdukje" të disidentëve. Grupet kryengritëse kanë vrarë gjithashtu anëtarë të grupeve etnike jo-Baloch.
Pakistani konsiderohet si një nga vendet më të rrezikshme në botë për jetën e një gazetari. Ai renditet në vendin e 142 nga 180 vendet në Indeksin e Lirisë së Shtypit në RSF 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
