Pas sulmit që ndodhi në Afrikën e Jugut, Arnold Schwarzenegger iu është drejtuar fansave të tij në Twitter, duke thënë se “nuk ka asgjë për t’u shqetësuar”.
Në një video nga “Arnold Classic Africa”, ylli i “Terminator” shihet në social media teksa filmon një ngjarje sportive kur pa kaluar as një minutë një burrë vjen duke vrapuar dhe godet Schwarzenegger-in.
Burri, i cili teksa e nxirrnin jashtë, thërriste “Ndihmë më duhet një Lamborghini” u ndalua menjëherë nga rojet. Organizatorët e eventit e quajtën “një fans i çmendur” dhe thanë se nuk është hera e parë që bën akte të tilla.
Schwarzenegger tha se vetëm nga video e kuptoi se qe goditur dhe se nuk do të ngrejë padi kundër tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
