Belgjika ka pezulluar përdorimin e vaksinës Oxford-AstraZeneca për personat e moshës 18 deri 55 vjeç.
Vendimi i Autoritetit Shëndetësor vjen pasi Agjencia Europiane e Barnave (EMA) tha se ekzistonte një “lidhje e mundshme” midis vaksinës dhe mpiksjeve të rralla të gjakut. Sigurisht Autoriteti Shëndetësor pritet të rivlerësojë vendimin “brenda 4 javësh”.
Ndërsa Spanja ka vendosur përdorimin e vaksinës AstraZeneca vetëm për grupmoshat mbi 60-vjeç.
Ministrja e Shëndetësisë Carolina Darias, theksoi se ende nuk është marrë një vendim se si do të veprohet me 60-vjeçarët të cilët kanë marrë një dozë të vaksinës anti-Covid.
Agjencia Europiane e Barnave (EMA) tha të mërkurën se një kombinim i veçantë i mpiksjes së gjakut me numrin e ulët të trombociteve duhet të renditet si një efekt anësor i vaksinës, por rekomandoi se vaksina nuk duhej të pezullohej.
Përfitimet e AstraZeneca tejkalojnë rreziqet dhe Covid-19 është një “sëmundje shumë e rëndë”, shtoi EMA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
