Rishi Sunak do të jetë kryeministri i ardhshëm i Britanisë së Madhe.
Rivalja e tij Penny Mordaunt u tërhoq nga gara duke dhënë mbështetjen për Sunak.Më herët u tërhoq nga gara dhe ish-kryeministri Boris Johnson.
Vlen për t’u theksuar se ai do të jetë kryetari i parë i qeverisë me prejardhje indiane, ku prindërit e tij emigruan drejt Britanisë së Madhe në vitet 60’.
Sunak pritet të përballet me sfida të shumta në qeveri, më e rëndësishmja ajo financiare.
Ai u bë i njohur për publikun në moshën 39 vjeç, pasi Johnson e emëroi ministër të Financave, ndërkohë që Britania e Madhe regjistronte rastet e para me Covid-19.
“Kam shërbyer si kancelari juaj, duke ndihmuar që ta drejtojmë ekonominë tonë në kohërat më të vështira”, tha 42-vjeçari Sunak përmes një deklarate të dielën.
“Sfidat me të cilat po përballemi tani janë edhe më të mëdha. Por, mundësitë nëse bëjmë zgjedhjen e duhur janë fenomenale”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
