Arkivi i Venedikut është “miniera” që furnizon historianët shqiptarë me materiale mbi Shqipërinë e shekujve më parë. Në emisionin “Arnautistan”, në MCN TV, historiani Pëllumb Xhufi tha se në arkivin e Venedikut ka dosje që përmbajnë edhe në 80% materiale për Shqipërinë.
Vazhdon arkivi i Venedikut. Vetëm një fond ka rreth 2500 dosje, ku ka dokumente për Shqipërinë. Ka edhe 80% material për Shqipërinë. Unë kam arritur të shoh vetëm 150 dosje.
Sipas tij, edhe periudhat e mëvonshme janë vënë nën një dritë të re, për shkak të aksesit në dokumente të reja.
Periudha e Zogut, Luftës së Dytë Botërore dhe sistemit komunist janë bërë të aksesueshme dokumente që deri dje ishin të ndaluar. Ka lëndë të re që e imponon një gjë të tillë. Historia e mesjetës është goxha e dokumentuar. Kjo për shkak të lidhjeve që kemi pasur me Perëndimin. Duke qenë në fokus dhe duke pasur këtë pozicion të përshtatshëm (rruga Egnatia) kemi hyrë në kronikën e historianëve të kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
