Mbytja e 12-vjeçarit në liqenin e Kasharit teksa luante me akullin mbi sipërfaqe, i cili e tradhtoi duke e futur brenda, nxjerr në pah një tjetër histori të dhimbshme.
Motra e tij, 15-vjeçarja që tentoi ta shpëtojë, është përdhunuar nga i ati dy vjet më parë, fakt të cilin e ka dëshmuar edhe gjykata pas analizës së ADN-së.
Fatos Gurakuqi u kallëzua në polici nga vajza e tij 15-vjeçare F.G. më 18 nëntor të 2015-ës, dhe pas kallëzimit 38-vjeçari u vu në pranga nga policia, shkruan BW.
Nuk dihet ende se çfarë e ka shtyrë 15-vjeçaren ta mohojë më vonë akuzën që ngriti ndaj të atit, pasi ajo pas kallëzimit ka deklaruar se akuza që kishte ngritur ndaj babait ishte për shkak se ai e rrihte, dhe se e kishte bërë për të shfryrë inatin.
Në përgjigjen e tyre ekspertët e policisë shkencore dolën në rezultatin se është gjetur spermë në të brendshmet e 15-vjeçares dhe pas analizës ka rezultuar se i përkiste Fatos Gurakuqit, i cili vijon të jetë në burg.
Ngjarja tragjike ditën e sotme ndodhi në Mzez, në liqenin e Kasharit, ndërsa 12-vjecari F.Gurakuqi ishte duke luajtur së bashku me motrën e tij 15 vjeçe E.Gurakuqi në liqenin pjesërisht të ngrirë. Akulli me një trashësi të vogël, është thyer dhe motër e vëlla kanë rënë brenda në ujë.
Fatkeqësisht 12-vjecari është mbytur, ndërsa motra e tij ka mundur të shpëtojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
