Sindikata e Pedagogëve ka vendosur t’i japë fund bojkotit dhe t’u bashkohet studentëve në auditore.
Por, në deklaratën përmes të cilës bënë me dije fundin e bojkotit, pedagogët shkruajnë se protestat për rritjen e pagave vijojnë.
Sot më 8 nëntor, prej orës 11:00, kanë paralajmëruar një protestë kombëtare përpara Korpusit Qendror të Universitetit Politeknik të Tiranës.
Pedagogët ishin në pritje të një përgjigje nga Presidenti i Republikës Bajram Begaj.
Ata paralajmëruan futjen në grevë javën e shkuar, por vendosën të prisnin Presidentin. Pasi nuk morën asnjë përgjigje nga Kreu i Shtetit, pedagogët dolën me njoftimin për ndërprerjen e bojkotit.
Pedagogët i nisën protestat më 5 tetor, e që nga 17 tetori që përkon me nisjen e vitit të ri akademik, shumica e tyre kanë bojkotuar edhe mësimin. Ata kanë 9 kërkesa, ku një prej tyre, kryesore është rritja e pagës me 50 %. Por qeveria ka vendosur t’ua rrisë vetëm me 7%, ndërsa 8% duhet ta mbulojnë vetë universitetet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
