Pas Pfizer, AstraZeneca dhe 10 mijë dozave të Sputnik V që mbërritën dje në Shqipëri, së shpejti fushatës së vaksinimit do t’i shtohet edhe vaksina kineze.
Në fletoren zyrtare është botuar sot akti normativ për marrëveshjen me Kinën, gjë që i hap rrugë furnizimit me vaksinën kineze.
Marrëveshja e firmosur nga ministrja Manastirliu dhe ministri Ahmetaj me distributorin e autorizuar “Keymen Ilaç Sanayi ve ticaret” A.Ş., një kompani turke.
Kjo e fundit do të bëjë të mundur furnizimin e Republikës së Shqipërisë me vaksinën Coronavac, e krijuar nga Sinovac Life Science Co Ltd. dhe e prodhuar në Republikën Popullore të Kinës.
Në aktin normativ specifikohet se marrëveshja nuk do të publikohet, kjo për shkak të sekretit tregtar dhe kërkesës së kompanisë turke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
