Samiti i NATO-s, që po mbahet mes vendeve të Aleancës të Atlantikut të Veriut në Varshavë, sjell shumë të reja në spektrin gjeopolitik por mes të tjerash vuri në pah edhe një raport special mes liderëve të Shqipërisë dhe të SHBA. Nga pamjet filmike që vijnë nga Varshava mund të shihet se si, pak çaste para shkrepjes të fotos zyrtare mes liderëve të shteteve pjesmarrëse në samit, Presidenti i SHBA, Barack Obama veçon mes të tjerëve Kryeministrin e Shqipërisë, Edi Rama dhe zgjatet ta përshëndesë.
Mes Kryeministrit shqiptar dhe Obamës pati një shtrëngim duarsh i cili me shumë mundësi rikonfirmon simpatinë e Presidentit të SHBA për ekzekutivin Rama.
Në Varshavë Rama është i shoqëruar edhe nga Ministrja e Mbrojtjes, Kodheli ndërsa në qendër të bisedimeve të samitit janë marrëdhëniet e tendosura me Rusinë dhe alternativa për shtimin e prezencës të trupave të aleancës në kufijtë e Moskës zyrtare.
