Sekretari amerikan i Shtetit Antony Blinken do të jetë në Athinë në 20-22 shkurt për t'u takuar me liderët e vendit dhe për të nisur raundin e katërt të Dialogut Strategjik SHBA-Greqi. Udhëtimi i zyrtarit amerikan vjen pas një vizite në Turqi, ku ai bëri presion për zgjerimin e NATO-s.
Në Athinë, Blinken do të takohet me kryeministrin Kyriakos Mitsotakis, ministrin e Jashtëm Nikos Dendias dhe kreun kryesor të opozitës Alexis Tsipras për të diskutuar bashkëpunimin në mbrojtje, sigurinë energjetike dhe "angazhimin e përbashkët të të dy vendeve për të mbrojtur demokracinë", sipas një deklarate nga zëdhënësi i Departamentit të Shtetit.
Në takimin e tyre, Mitsotakis do të fokusohet në marrëdhëniet greko-turke dhe bashkëpunimin e shkëlqyer me SHBA-në, ndërsa Blinken pritet të insistojë në nevojën e vazhdimit të mbështetjes ndaj Ukrainës. Megjithatë, ai ndoshta nuk do t'i bëjë presion Greqisë që t'i ofrojë më shumë sisteme armësh Kievit përtej asaj që tashmë është dërguar dhe ende po transferohet (kryesisht municione) - të paktën në këtë fazë.
Blinken do të diskutojë gjithashtu Marrëveshjen e përditësuar të Bashkëpunimit të Mbrojtjes së ndërsjellë (MDCA), e cila ka lejuar SHBA-në dhe NATO-n të mbështesin krahun lindor të NATO-s përmes portit verior grek të Aleksandoupolit, duke lejuar transferimin e personelit ushtarak dhe armëve në Evropën Qendrore dhe Lindore. Më tej ai do të fokusohet tek sanksionet ndaj Rusisë dhe nëse ato zbatohen nga Greqia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
