Mjeku okulist: Syri dembel, pasoja afatgjata nëse nuk kapet në kohë   

Dhjetë për qind e fëmijëve në arsimin 9-vjeçar kanë probleme me shikimin. Mjeku okulist, Rubin Topi, tha se ndër këto probleme, ai që paraqet më shumë rrezikshmëri në terma afatgjatë është sy ri dembel.

Është një temë me rëndësi të madhe, jo vetëm për fëmijët por për çdo person. Shikimi është element i mbijetesës. Sa më shumë ta trajtojmë këtë temë, aq më mirë edukohet publiku për ta trajtuar këtë temë.

Nga vizitat e shpeshta që kam kryer, mua më rezulton se janë më shumë se 10%. Nuk është për t’u habitur sepse janë faktorët të tillë. Një ndër problemet kryesore me pasoja afatgjata nëse nuk kapet në kohë është syri dembel. E nisa nga kjo për shkak të rëndësisë. Nëse nuk korrigjohet në kohë, ky fëmijë invalidizohet i rritur dhe sheh vetëm nga njëri sy. Pra, syrit tjetër i ulet fuqia.

Në vendet e zhvilluara gjithmonë e më tepër, këshillohet që qysh në lindje të bëhet një vizitë për të parë nëse ka ndonjë patologji. Kur mbush një vjeç dhe më pas kur bëhet 3 apo 4 vjeç. Në varësi si është rezultati i vizitave, ashtu merren edhe masat. Nëse shohim që fëmija ka probleme dhe e korrigjojmë me syze, këshillohet vizitë njëherë në 6 muaj.