Angelina Mango me këngën “Mërzia” është vlerësuar si më e mira në festivalin e “Sanremos” këtë vit.
22-vjeçarja ka marrë 40.3 për qind të totalit të votave me këngën e shkruar së bashku me Madame.
Kënga u votua në tre mënyrat: Televotim, Press Room dhe juria e radios.
Tepër e gëzuar, artistja falenderoi këdo që e ka mbështetur në këtë rrugëtim.
"Falënderime të përzemërta për orkestrën, për ty, për Gio, për Fiorello, , për ekipin tim, për Martën, për nënën time, për Phil, Antonio, familjen time që është këtu sonte. Faleminderit që erdhët”, u shpreh Mango.
22-vjeçarja, vajza e të mirënjohurit Pino Mango, solli të gjallë kujtimin e të atit për publikun, ndërsa interpetoi gjatë spektaklit këngën e tij “La rondine”.
Kanë kaluar 10 vjet që kur një grua fitoi festivalin e Sanremos. Suksesi i fundit i një gruaje daton në vitin 2014, kur Arisa fitoi me këngën “Controvento”.
Në finalen e këtij edicioni të 74-të të festivalit të Sanremos, Geolier u rendit i dyti, ndërsa e treta ishte Annalisa me këngën “Sinqerisht”.
Pesë vendet e para të festivalit janë të gjithë artistë që përfaqësojnë gjeneratat e reja të muzikës dhe që ndjekin tendencat e tregut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
