Nëntë gjyqtarë të tjerë janë nën hetim për fshehje pasurie nga Prokuroria e Krimeve të Rënda. Pas arrestimit të gjyqtarit të Apelit, Shkëlqim Miri, një dokument i siguruar nga Report TV thekson se hetimet janë të shtrira në 9 mujorin e parë të vitit 2017, ndërsa të dhënat janë siguruar nga një raport sekret i prokurorisë.
Organi i akuzës nuk bën të ditur emrat e gjyqtarëve për arsye hetimi.
Gjyqtari i Gjykatës së Apelit, Shkëlqim Miri, u arrestua mbrëmjen e së enjtes pasi gjatë kontrollit në banesë iu gjetën dhe sekuestruan rreth 34 milionë lekë, ndërsa akuzohet se i ka marrë ryshfet 20 mijë euro Gentian Dodës për t’i ndryshuar akuzën nga vrasje në plagosje.
Doda ishte akuzuar për dy vrasje në 1997, ndërsa u dënua më 20 vite burg. Ai u arratis në SHBA, por u kap dhe në 2012 u ekstradua në Shqipëri. Procesi gjyqësor ndaj tij kaloi në të gjitha hallkat, por në Apel gjyqtari Miri i ndryshoi akuzën duke e liruar nga burgu, ndërsa vetë përfundoi në qeli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
