Kryebashkiakja e një qyteti perëndimor të Meksikës është vrarë, vetëm 24 orë pas zgjedhjes së presidentes së parë femër Claudia Sheinbaum.
Lajmi raportohet nga autoritetet lokale.
Qeveria e shtetit meksikan të Michoacan dënoi vrasjen e presidentes komunale të Cotija, Yolanda Sanchez Figueroa.
Sanchez, e cila u zgjodh kryetare bashkie në zgjedhjet e vitit 2021, u qëllua për vdekje në një rrugë publike.
Politikania ishte rrëmbyer më parë në shtator të vitit të kaluar, ndërsa po dilte nga një qendër tregtare në qytetin e Guadalajara në shtetin e Jalisco, fqinj me Michoacan.
Tre ditë më vonë qeveria federale tha se ajo ishte gjetur e gjallë.
Sipas raportimeve të mediave lokale në atë kohë, rrëmbyesit i përkisnin kartelit të fuqishëm Jalisco.
Michoacan është i njohur për destinacionet e tij turistike dhe industrinë e lulëzuar të agro-eksportit, por është gjithashtu një nga shtetet më të dhunshme në vend për shkak të pranisë së bandave të zhvatjes dhe trafikut të drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
