Seanca gjyqësore për Fredi Belerin i cili kërkon leje të posaçme për t’u betuar si kryebashkiak i Himarës është shtyrë në 11 dhjetor në orën 14:00.
Gazetari Arsen Rusta tha përmes një lidhje të drejtpërdrejtë me MCN Live se vetë Beleri ishte i pranishëm në seancë dhe ka insistuar që se gjithçka ndaj tij është politike.
GJKKO kishte thirrur sot drejtorinë e burgjeve për ta pyetur pse nuk i japin leje Fredi Belerit. Ata shprehen se në rregullore ka vetëm dy arsye pse jepet leja. Një është dhënia e provimeve dhe ndarja nga jeta e një familjari.
Kjo seancë do të ribëhet nga e para. Të pranishëm në seancë ka qenë Vangje Dule, edhe ambasadorja greke në Shqipëri. Beleri në seancë u shpreh se gjithçka ndaj tij është politike.
Fredi Beleri është arrestuar që prej muajit maj dhe akuzohet për blerje votash.
Lajm në përditësim
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
